Todas as partes da celebração comentadas em detalhe. Preces para dar graças e para pedir a luz divina. Exemplos de vida cristã. Pérolas da sabedoria do Rei Salomão. Artigos e comentários atuais. Calcula as festas e datas móveis para qualquer dia e ano. Definição de termos usados no site.
A Missa diária para seu conforto espiritual.
GLOSSÁRIO
Deus
Dominus Vobiscum
Sanctus
Te Deum
 
 
TE DEUM
 
 
49tjf49edf:tb_oracoes:id_oracao
Te Deum laudamus: te Dominum confitemur.

Te æternum Patrem omnis terra veneratur.

Tibi omnes Angeli, tibi Cæli, et universæ Potestates:
Tibi Cherubim et Seraphim incessabili voce proclamant:
Sanctus, Sanctus, Sanctus Dominus Deus Sabaoth.

Pleni sunt cæli et terra majestatis gloriæ tuæ.

Te gloriosus Apostolorum chorus,
Te Prophetarum laudabilis numerus,
Te Martyrum candidatus laudat exercitus.

Te per orbem terrarum sancta confitetur Ecclesia,
Patrem immensæ majestatis:
Venerandum tuum verum et unicum Filium:
Sanctum quoque Paraclitum Spiritum.
Tu Rex gloriæ, Christe.

Tu Patris sempiternus es Filius,
Tu, ad liberandum suscepturus hominem,
non horruisti Virginis uterum.

Tu, devicto mortis aculeo,
aperuisti credentibus regna cælorum.
Tu ad dexteram, Dei sedes, in gloria Patris.
Judex crederis esse venturus.

Te ergo quæsumus, tuis famulis subveni,
quos pretioso sanguine redemisti.

Æterni fac cum Sanctis tuis in gloria munerari.

Salvum fac populum tuum,
Domine, et benedic hereditati tuæ.

Et rege eos, et extolle illos usque in æternum.

Per singulos dies benedicimus te;
Et laudamus nomen tuum in sæculum, et in sæculum sæculi.

Dignare, Domine, die isto sine peccato nos custodire.

Miserere nostri domine, miserere nostri.

Fiat misericordia tua,
Domine, super nos,
quemadmodum speravimus in te.

In te, Domine, speravi:
non confundar in æternum.

V. Benedicamus Patrem, et Filium, cum Sancto Spiritu.

R. Laudemus, et super exaltemus eum in sæcula.

V. Benedictus es, Domine, in firmamento cæli.

R. Et laudabilis, et gloriosus, et super exaltatus in sæcula.

V. Domine, exaudis orationem mean.

R. Et clamor meus ad te veniat.

V. Dominus vobiscum.

R. Et cum spiritu tuo.

Oremus.

Deus, cujus misericordiæ non est numerus,
et bonitatis infinitus est thesaurus;
piissimæ majestati tuæ pro collatis donis gratias agimus,
tuam semper clementiam exorantes;
ut, qui petentibus postulata concedis,
eosdem non deserens, ad præmia futura disponas.

Per Christum Dominum nostrum.

R. Amen.